సమంత ఆ హీరోతో కూడా రొమాన్స్‌ చేస్తుందా

ముద్దుగుమ్మ సమంతకు ప్రేమ విషయం బయటకు వచ్చిన కొన్నాళ్లు అవకాశాలు రాలేదు. దాంతో సమంత పెళ్లి అయితే ఇక అవకాశాలు రావేమో అని అంతా అనుకున్నారు. కానీ ఆ తర్వాత సమంతకు వరుస ఆఫర్‌లు వస్తూ ఉన్నాయి. ఈ అమ్మడు ప్రస్తుతం చరణ్‌, సుకుమార్‌ల చిత్రంలో నటిస్తోంది. ఈ చిత్రంతో పాటు ‘రాజుగారి గది2’ చిత్రంలో కూడా దెయ్యంలాగా నటిస్తోంది. నాగార్జున కోసమే ఈ చిత్రాన్ని నిడివి తక్కువ అయినా కూడా ఒప్పేసుకుంది. ఈ రెండు ప్రాజెక్ట్‌లు మాత్రమే కాకుండా మరో పెద్ద ప్రాజెక్ట్‌లో కూడా సమంత ఎంపికయింది. సావిత్రి జీవిత చరిత్రతో తెరకెక్కబోయే ‘మహానటి’ చిత్రంలో సమంత నటించనుంది.

దర్శకుడు నాగఅశ్విన్‌ ప్రస్తుతం అందుకు సంబంధించిన పనుల్లో బిజీగా ఉన్నాడు. త్వరలోనే ఈ చిత్ర రెగ్యులర్‌ షూటింగ్‌ మొదలెట్టడానికి సన్నాహాలు చేస్తున్నారు. ఈ చిత్రంలో సావిత్రి పాత్రలో కీర్తి సురేష్‌ నటించనుండగా, సావిత్రి పాత్రను పరిచయం చేసే జర్నలిస్ట్‌గా సమంత పాత్ర ఉంటుంది. అయితే సమంత పాత్రకు జోడి ఎవరు ఉండరు అని అనుకున్నారు. కానీ ఈ చిత్రంలో సమంతకు జోడీ కూడా ఉంటుంది. సమంతతో రొమాన్స్‌ చేయడానికి తాజాగా ‘పెళ్లి చూపులు’ క్రేజీస్టార్‌ విజయ్‌ దేవరకొండను ఎంపిక చేసుకున్నారు. సమంత భర్తగా విజయ్‌ ఈ చిత్రంలో నటించనున్నాడు. విజయ్‌తో ఈ చిత్రంలో సమంత రొమాన్స్‌ చేయనుంది.