శ్రీవిష్ణు కథానాయకుడిగా వివాహ భోజనంబు ఫేమ్ రామ్ అబ్బరాజు దర్శకత్వంలో రూపొందుతున్న ఫ్యామిలీ ఎంటర్టైనర్ ‘సామజవరగమన’. అనిల్ సుంకర సమర్పిస్తున్న ఈ చిత్రాన్ని ఏకే ఎంటర్‌టైన్‌మెంట్స్‌తో కలిసి హాస్య మూవీస్ బ్యానర్‌పై రాజేష్ దండా నిర్మిస్తున్నారు. ఈ సినిమాలో శ్రీవిష్ణుకు జోడిగా రెబా మోనికా జాన్ నటిస్తోంది. ఇప్పటికే విడుదలైన సినిమా ఫస్ట్ గ్లింప్స్ కి మంచి రెస్పాన్స్‌ వచ్చింది.
తాజాగా ఈ చిత్రం ఫస్ట్ సింగిల్ ‘వాట్ టు డూ’ పాటని విడుదల చేసారు మేకర్స్. గోపీసుందర్ ఈ పాటని అందరికీ కనెక్ట్ అయ్యే క్యాచి ఫుట్ ట్యాపింగ్ నెంబర్ గా కంపోజ్ చేశారు. తనలోని ఫ్రస్టేషన్ ని చెబుతూ కథానాయకుడు పాడుకునే ఈ పాటకు శ్రీమణి అందించిన సాహిత్యం మరో ఆకర్షణగా నిలిచింది. జస్సీ గిఫ్ట్ ఈ పాటని ఎనర్జిటిక్ గా ఆలపించారు. ఈ పాటలో శ్రీవిష్ణు చేసిన మాస్ మూమెంట్స్ అలరించాయి. ఇక మే 18న వేసవి కానుకగా ఈ చిత్రం ప్రేక్షకుల ముందుకు రానుంది.
