సాయితేజ్-దేవ కట్టా దర్శకత్వంలో ఓ సినిమా తెరకెక్కనుంది. ఈ సినిమాకి ఇప్పటికే కొబ్బరికాయ కొట్టారు. భగవాన్ – పుల్లారావు ఈ సినిమాకి నిర్మాతలు ఈ నెల 20వ తేదీ నుంచి రెగ్యులర్ షూటింగ్ జరగవలసి వుంది. ఐతే ఈ సినిమా ఆగిపోయిందని వార్తలు వచ్చాయి.
దీనిపై నిర్మాతలు క్లారిటీ ఇచ్చారు. అయితే లాక్ డౌన్ కారణంగా ఆ రోజు నుంచి రెగ్యులర్ షూటింగ్ జరపడం లేదనీ, పరిస్థితులు చక్కబడిన తరువాత రెగ్యులర్ షూటింగు తేదీని ప్రకటిస్తామని నిర్మాతలు చెప్పారు.
ఇక తమ సినిమా గురించి కొన్ని పుకార్లు షికారు చేస్తున్నాయనీ, అలాగే ఫలానా పాత్రలను ఫలానా వాళ్లు నటిస్తున్నారంటూ లేనిపోని ప్రచారం చేస్తున్నారని అన్నారు. తమ సినిమాకి సంబంధించిన విషయాలను తాము అధికారికంగా తెలియజేస్తామని చెప్పారు.