క్రికెట్‌ అంటే ఠక్కున గుర్తుకు వచ్చే పేరు సచిన్‌ టెండూల్కర్‌. భారత్‌లో క్రికెట్‌ అంటే టెండూల్కర్‌, టెండూల్కర్‌ అంటే సచిన్‌ అన్నట్లుగా మారిపోయింది. సచిన్‌ క్రికెట్‌ నుండి తప్పుకున్నా కూడా ఆయనకున్న ఫ్యాన్‌ ఫాలోయింగ్‌ ఏమాత్రం తగ్గలేదు. ఇండియన్‌ క్రికెట్‌ జట్టుకు సుదీర్ఘ సేవలు అందించిన సచిన్‌ వరల్డ్‌ కప్‌ అందించి గుడ్‌బై చెప్పాడు. ప్రస్తుతం కూడా సచిన్‌ చాలా బిజీగా గడుపుతూ ఉన్నాడు. ఇక సచిన్‌ కూతురు సారా ఆ మద్య బాలీవుడ్‌లో ఎంట్రీ ఇవ్వబోతున్నట్లుగా ప్రచారం జరిగింది. అయితే అప్పుడు సచిన్‌ తను చదువుతుందని, ఇప్పుడు ఎలాంటి ఆలోచన లేదు అంటూ చెప్పుకొచ్చడు.
సచిన్‌ ఆ వివరణ ఇచ్చి రెండు సంవత్సరాలు దాటిపోయింది. మళ్లీ ఇప్పుడు సారా బాలీవుడ్‌ ఎంట్రీపై పుకార్లు షికార్లు చేస్తున్నాయి. తాజాగా బాలీవుడ్‌ స్టార్స్‌తో సారా చాలా క్లోజ్‌గా ఉంటుంది. బాలీవుడ్‌ స్టార్స్‌ పాల్గొంటున్న పలు పార్టీలకు క్లబ్‌లకు సారా హాజరు అవుతుంది. ఇటీవల సారా బాలీవుడ్‌ స్టార్‌ హీరో రణవీర్‌ సింగ్‌తో కలిసి ఒక పార్టీలో తెగ ఎంజాయ్‌ చేసింది. హీరోయిన్స్‌తో కూడా టచ్‌లో ఉంటున్న సారా బాలీవుడ్‌కు ఎంట్రీ ఇవ్వనుందా అనే చర్చ మళ్లీ మొదలైంది. సారా సన్నిహితుల నుండి అందుతున్న సమాచారం ప్రకారం ఆమెకు నటన అంటే ఆసక్తి, ఒక మంచి నటిగా పేరు తెచ్చుకోవాలనే కోరిక. అందుకే ఆమె బాలీవుడ్‌ వారితో టచ్‌లో ఉంటున్నట్లుగా అనిపిస్తుంది.
