రెజీనా , నివేదా ప్రధాన పాత్రల్లో డైరెక్టర్ సుధీర్ వర్మ డైరెక్ట్ చేస్తున్న తాజా చిత్రం ‘శాకిని డాకిని’. సెప్టెంబర్ 16న ఈ మూవీ ప్రేక్షకుల ముందుకు రాబోతున్న తరుణంలో చిత్ర ఫస్ట్ లుక్ టీజర్ ను మేకర్స్ రిలీజ్ చేసారు. ఈ టీజర్ లో రెజీనా, నివేదాలు పోలీస్ అకాడమీలో ట్రైనీలుగా కనిపించగా.. నివేదా ఫుడ్ లవర్ కాగా, రెజీనాకు ఓసీడీ సమస్య ఉంటుంది. శిక్షణా శిబిరంలో వారిద్దరు తరచూ గొడలుపడుతుంటారు. ఇంతలో ఒక నేరస్థుడు ఒక అమ్మాయిని తలపై కొట్టినట్లుగా చూపిస్తారు.
దీంతో మెయిన్ స్టోరీ రివీల్ అవుతుంది. ఇక అక్కడి నుండి ఆ ఇద్దరు అమ్మాయిలు రౌడీలను ఎలా ఎదుర్కొన్నారనేది టీజర్ లో చూడవచ్చు. టీజర్‌ను బట్టి చూస్తే, సినిమాలో వినోదం, యాక్షన్, బలమైన కథ ఉన్నాయని అర్థమౌతుంది. ఈ మూవీ కొరియ‌న్ మూవీ మిడ్ నైట్ రన్నర్స్ ఆధారంగా రూపొందుతుంది. సురేష్ బాబు, గురు ఫిలింస్, క్రాస్ పిక్చర్స్ సంయుక్తంగా ఈ సినిమాను నిర్మిస్తున్నారు.
