ఎప్పుడెప్పుడా అంటూ ఎదురు చూస్తున్న తరుణం రానే వచ్చింది. అద్బుతమైన ఆ క్షణాలు వచ్చాయి. సాహో చిత్రం కొన్ని దేశాల్లో విడుదల అయ్యింది. ఇండియాలో మరి కొన్ని గంటల్లో ప్రేక్షకుల ముందుకు రాబోతుంది. అద్బుతమైన ఈ సాహోను ఎంజాయ్‌ చేసేందుకు ప్రతి ఒక్క ఇండియన్‌ సినీ అభిమాని ఎంతో ఉత్కంఠతతో ఎదురు చూస్తున్నాడు. ప్రస్తుతం సినిమాకు సంబంధించిన రికార్డుల విషయాలు సోషల్‌ మీడియాలో తెగ హల్‌ చల్‌ చేస్తున్నాయి. ప్రపంచ వ్యాప్తంగా దాదాపుగా 10 వేల స్క్రీన్స్‌లో ఈ చిత్రం విడుదల కాబోతుంది.
ఇండియన్‌ సినిమాలు ఎక్కువగా అమెరికాలో విడుదల అవుతూ ఉంటాయి. గల్ఫ్‌ దేశాల్లో కూడా విడుదల అవుతాయి కాని 50 నుండి 100 థియేటర్లలో మాత్రమే విడుదల అవుతాయి. మహా అయితే బాలీవుడ్‌ స్టార్‌ హీరో అయితే 150 వరకు థియేటర్లలో విడుదల అవుతుంది. కాని సాహో చిత్రం మాత్రం ఏకంగా 300 స్క్రీన్స్‌లో గల్ఫ్‌ దేశాల్లో విడుదల కాబోతుంది. మరీ ముఖ్యంగా దుబాయిలోనే అత్యధికంగా విడుదల కాబోతున్నట్లుగా సమాచారం అందుతోంది. మొత్తానికి సాహో చిత్రం సరికొత్త రికార్డులతో చరిత్ర సృష్టిస్తూనే ఉంది. మరి ఓపెనింగ్స్‌ విషయంలో పరిస్థితి ఏంటీ అనేది మరి కొన్ని గంటల్లో వెళ్లడయ్యే అవకాశం ఉంది.
