ఎప్పుడెప్పుడా అంటూ ఎదురు చూస్తున్న సాహో చిత్రంను ఆగస్టు 30న ప్రేక్షకుల ముందుకు తీసుకు రాబోతున్నారు. ముందు నుండి చెబుతున్న దాని ప్రకారం అయితే రేపు అంటే ఆగస్టు 15న ప్రేక్షకుల ముందుకు రావాల్సి ఉంది. కాని షూటింగ్‌ ఆలస్యం మరియు ఇతరత్ర కారణాల వల్ల సినిమాను ఆలస్యంగా విడుదల చేస్తున్నారు. ఇక ప్రమోషన్స్‌కు కూడా ఎక్కువ సమయం దొరికింది. ఇక సాహో ప్రీ రిలీజ్‌ ఈవెంట్‌ గురించి భారీ ఎత్తున అంచనాలు, వార్తలు ఉన్నాయి. వాటన్నింటికి సమాధానం లభించింది.
ఈనెల 18న సాయంత్రం 5 గంటల సమయంలో రామోజీ ఫిల్మ్‌ సిటీ మెయిన్‌ గేట్‌ వద్ద విశాలమైన ప్రాంగణంలో సాహో ప్రీ రిలీజ్‌ ఈవెంట్‌ను నిర్వహించబోతున్నారు. ఈ ఈవెంట్‌కు భారీ ఎత్తున ప్రభాస్‌ అభిమానులు తరలి రావాల్సిందిగా చిత్ర యూనిట్‌ సభ్యులు కోరింది. ఇక వేడుకలో పాల్గొనబోతున్న గెస్ట్‌లు ఎవరు అనే విషయంపై క్లారిటీ ఇవ్వలేదు. రాజమౌళిని ఈ వేడుకలో భాగస్వామిని చేసేందుకు ప్రయత్నాలు జరుగుతున్నాయి. మరి ఆయన ఎలా రియాక్ట్‌ అవుతాడో చూడాలి. సాహో వేడుక కోసం భారీ ఎత్తున ఏర్పాట్లు జరుగుతున్నాయి. ఇప్పటికే భారీ సెట్టింగ్‌ను నిర్మించే పనిలో శ్రేయాస్‌ మీడియా ఉంది. సాహో ప్రీ రిలీజ్‌ వేడుక సందర్బంగా ఈ ఫొటోను చిత్ర యూనిట్‌ సభ్యులు విడుదల చేశారు.
