‘బాహుబలి’ చిత్రం ప్రీ రిలీజ్‌ వేడుకను అత్యంత వైభవంగా రామోజీ ఫిల్మ్‌సిటీలో రాజమౌళి నిర్వహించిన విషయం తెల్సిందే. ప్రభాస్‌కు ఏ స్థాయిలో అభిమానులు ఉన్నారో ప్రత్యేకంగా చెప్పనక్కర్లేదు. వారికి ఏదో చిన్న ఆడిటోరియం లేదంటే ఏదైనా పెద్ద కన్వెన్షన్‌ లాంటివి సరిపోవు. ప్రభాస్‌ కోసం ఓపెన్‌ గ్రౌండ్‌లో భారీ జనాలు హాజరు అయ్యేలా ఏర్పాట్లు చేయాలి. ఆగస్టు 30వ తారీకున విడుదల కాబోతున్న సాహో ప్రీ రిలీజ్‌ ఈవెంట్‌కు సంబంధించిన ఏర్పాట్లు ముమ్మరంగా సాగుతున్నాయి. మొన్నటి వరకు ఎల్టీ స్టేడియంలో అనుకున్నారు. కాని ఇప్పుడు రామోజీ ఫిల్మ్‌సిటీ మెయిన్‌ గేట్‌ వద్ద ఉండే విశాలమైన ప్రాంగణంలో నిర్వహించబోతున్నారు.
పాస్‌లు, టోకెన్లు ఇలాంటివి ఏమీ లేకుండా రామోజీ ఫిల్మ్‌సిటీ మెయిన్‌ గేటు వద్ద ఉన్న భారీ స్థలంలో ఎంత మంది అభిమానులైనా హాజరు అయ్యే విధంగా ఏర్పాట్లు జరుగుతున్నాయి. మొత్తానికి రామోజీ ఫిల్మ్‌ సిటీలో మరోసారి ప్రభాస్‌ ఫ్యాన్స్‌ సందడి చేయబోతున్నారు. రికార్డు స్థాయిలో జనాలు హాజరు అయ్యే అవకాశం ఉంది. ఈ వేడుకను శ్రేయాస్‌ మీడియా అత్యంత ప్రతిష్టాత్మకంగా తీసుకుని ఏర్పాట్లు ప్రారంభించింది. సాహో చిత్రం కోసం తెలుగు ప్రేక్షకులు మాత్రమే కాకుండా దేశ వ్యాప్తంగా సినీ ప్రేమికులు ఎదురు చూస్తున్నారు. 300 కోట్ల బడ్జెట్‌తో రూపొందిన ఈచిత్రం ఏ స్థాయిలో వసూళ్లను రాబట్టగలదు అనేది ప్రస్తుతం ఆసక్తిర విషయం.
