ప్రపంచ వ్యాప్తంగా అత్యంత ఆసక్తి నెలకొల్పిన ‘సాహో’ చిత్రం నేడు ప్రేక్షకుల ముందుకు వచ్చింది. బడ్జెట్‌ విషయంలో బాలీవుడ్‌ సినిమాలను సైతం క్రాస్‌ చేసింది. అద్బుతమైన యాక్షన్‌ సీన్స్‌ అంటూ మొదటి నుండి ప్రచారం జరుగుతున్న నేపథ్యంలో అంచనాలు భారీగా నెలకొన్నాయి. ప్రపంచ వ్యాప్తంగా భారీగా విడుదల అయ్యింది. దాదాపుగా 10 వేలకు పైగా సినిమా స్క్రీన్స్‌లో నేడు పడింది. సినిమాకు నెగటివ్‌ టాక్ వచ్చినా కూడా కలెక్షన్స్‌ విషయంలో మాత్రం దుమ్ము రేపుతోంది.
‘సాహో’ చిత్రం మొదటి రోజు నైజాం ఏరియాలో 8.92 కోట్ల రూపాయలు వసూళ్లు చేసింది. నాన్‌ బాహుబలి రికార్డ్‌ను దక్కించుకున్న ఈ సినిమా మహర్షి రికార్డును బ్రేక్‌ చేసింది. మహేష్‌బాబు ‘మహర్షి’ చిత్రం 6.41 కోట్ల వసూళ్లను రాబట్టింది. ప్రస్తుతం అన్ని ఏరియాల్లో కూడా సాహో చిత్రం మహర్షి మొదటి రోజు కలెక్షన్స్‌ను బ్రేక్‌ చేసినట్లుగా సమాచారం అందుతోంది. ఫ్లాప్ టాక్ వచ్చినా కూడా సినిమా ఓపెనింగ్స్ విషయంలో రికార్డ్ లను దక్కించుకుంది.
