రాజమౌళి తెరకెక్కుతున్న ఆర్ఆర్ఆర్ మూవీ ని సంక్రాంతి కానుకగా జనవరి 07 న రిలీజ్ చేస్తున్నట్లు ప్రకటించిన సంగతి తెలిసిందే. ఈ ప్రకటన తో ఇతర చిత్రాల నిర్మాతలు షాక్ లో పడ్డారు. గత కొద్దీ రోజుల ముందుగానే సంక్రాంతి బరిలో భీమ్లా నాయక్ , సర్కారు వారి పాట, రాధే శ్యామ్ చిత్రాలు వస్తున్నట్లు ప్రకటించారు. ఈ క్రమంలో ఆర్ఆర్ఆర్ కూడా సంక్రాంతికే అని ప్రకటించడంతో నిర్మాతలు షాక్ లో పడ్డారు.
ప్రస్తుతం ఈ సినిమాకి సంబంధించిన పోస్ట్ ప్రొడక్షన్ పనులు వేగవంతం చేశారు. ఈలోగా ఈ సినిమా ఫైనల్ కట్ ను కూడా జక్కన్న పూర్తి చేయబోతున్నట్టు తెలుస్తోంది. తాజా సమాచారం ప్రకారం ఈ సినిమా రఫ్ కట్ దాదాపు 3 గంటల డ్యూరేషన్‌తో వచ్చిందట. దాన్ని 2గంటల 45 నిమిషాలకు తగ్గించడానికి రాజమౌళి అండ్ టీమ్ ట్రై చేస్తున్నట్లు చెపుతున్నారు.