దర్శకధీరుడు రాజమౌళి ఇద్దరు స్టార్‌ హీరోలు ఎన్టీఆర్‌, రామ్‌చరణ్‌లతో ‘ఆర్‌ ఆర్‌ ఆర్‌’ భారీ చిత్రాన్ని రూపొందిస్తున్నాడు. ఈ చిత్రంలో ఎన్టీఆర్‌ కొమురంభీంగా కనిపించనున్నాడు. చరణ్‌ అల్లూరి సీతారామరాజుగా దర్శణం ఇవ్వనున్నాడు. భారీ బడ్జెట్‌తో తెరకెక్కుతున్న ఈ చిత్రంపై అంచనాలు భారీగా ఉన్నాయి. ఈ చిత్రాన్ని కూడా జక్కన్న ఆలస్యం అయినా కూడా చాలా జాగ్రత్తగా ప్లాన్‌ చేస్తున్నాడు. ఇటీవలె బల్గేరియాలో ఎన్టీఆర్‌కు సంబంధించిన సన్నివేశాలను తెరకెక్కించారు. ఎన్టీఆర్‌ కెరీర్‌లోనే టెర్రీఫిక్‌ అనిపించే ఇంట్రో ప్లాన్‌ చేస్తున్నారట. ఎన్టీఆర్‌ బల్గేరియాలో షెడ్యూల్‌ పూర్తి చేసుకుని హైద్రాబాద్‌ వచ్చిన ఫొటోలు హల్‌చల్‌ చేస్తున్న విషయం తెల్సిందే.
ఎన్టీఆర్‌ సోలో సన్నివేశాలు పూర్తయ్యాయి. ఇక మిగిలింది చరణ్‌ సోలో సన్నివేశాలు. కానీ చరణ్‌ ప్రస్తుతం ‘సైరా’ చిత్రంతో చాలా బిజీగా ఉన్నారు. ‘సైరా’ హడావుడి పూర్తవగానే జక్కన్న చెర్రీకి షెడ్యూల్‌ను ప్లాన్‌ చేశాడు. ఆ తర్వాత ఎన్టీఆర్‌, చెర్రీల కాంబో సన్నివేశాలను ప్లాన్‌ చేయనున్నారు. అయితే ‘సైరా’ పనులు పూర్తవడానికి చెర్రీకి ఇంకా చాలా సమయం పడుతుంది. ఇక ప్రెజర్‌ అంతా కూడా ప్రస్తుతం రాజమౌళిపైనే ఉంది. హీరోల టైంను బట్టి చాలా జాగ్రత్తగా షెడ్యూల్‌ను ఏర్పాటు చేయాలి కదా!
