తెలుగు ప్రేక్షకులు ఎంతో ఆసక్తిగా ఎదురు చూస్తున్న ‘ఆర్‌ఆర్‌ఆర్‌’ చిత్రం షూటింగ్‌ శరవేగంగా జరుగుతోంది. తాజాగా ఈ చిత్రం షెడ్యూల్‌ను బల్గెరియాలో నేటి నుండి ప్రారంభించారు. ఎన్టీఆర్‌ ప్రస్తుతం షూటింగ్‌లో పాల్గొంటున్నాడు. ఎన్టీఆర్‌తో పాటు కీలక నటీనటులపై చిత్రీకరణ జరుపుతున్నారు. మరో వారం లేదా పదిరోజుల తర్వాత రామ్‌ చరణ్‌ కూడా వెళ్లబోతున్నాడు. రామ్‌ చరణ్‌ ఎంట్రీతో మరింత కీలకంగా షూటింగ్‌ జరుగబోతుంది.
ఇక ఆ షెడ్యూల్‌లో భారీ యాక్షన్‌ సీన్స్‌ మరియు యుద్ద సన్నివేశాలను చిత్రీకరించబోతున్నట్లుగా వార్తలు వస్తున్నాయి. రామ్‌ చరణ్‌ అల్లూరి సితారామరాజుగా, ఎన్టీఆర్‌ కొమురం భీం పాత్రలో నటిస్తున్న ఈ చిత్రంను వచ్చే ఏడాది జులై 30న ప్రేక్షకుల ముందుకు తీసుకు రాబోతున్నారు. గతంలో బల్గెరియాలో పలు చిత్రాలను తెరకెక్కించడం జరిగింది. ఇప్పుడు అక్కడ ఆర్‌ఆర్‌ఆర్‌ చిత్రీకరణ జరుపుతున్నారు. త్వరలోనే అక్కడ షెడ్యూల్‌ పూర్తి చేసి మళ్లీ ఇండియాకు రానున్నారు.
