>రామ్‌చరణ్‌, ఎన్టీఆర్‌ ప్రధాన పాత్రల్లో దర్శకధీరుడు రాజమౌళి తెరకెక్కిస్తున్న భారీ బడ్జెట్‌ చిత్రం ‘ఆర్‌ఆర్‌ఆర్‌ . ఎంతో ప్రతిష్ఠాత్మకంగా తెరకెక్కుతోన్న ఈ చిత్రం గురించి నాగబాబు స్పందించారు. ఫేస్‌బుక్‌లైవ్‌లో ఓ వీడియోను రూపొందించి తన యూట్యూబ్‌ ఛానల్‌లో ఉంచారు.
‘‘ఆర్‌ఆర్‌ఆర్‌’ సినిమాపై నా అభిప్రాయం గురించి ఇటీవల ఫేస్‌బుక్‌ లైవ్‌లో కొందరు నన్ను అడిగారు. ఆ వీడియో చూశాక.. రామరాజు పాయింట్‌ ఆఫ్‌ వ్యూలో కొమరం భీమ్‌ ఎలా ఉండనున్నాడో చూడాలనే ఆతృత ఎక్కువైంది. ఆ చిత్రబృందం ఫస్ట్‌ ప్రోమోతోనే ప్రేక్షకుల్లో ఎంతో ఆసక్తి రేకెత్తించింది. ఈ సినిమా తప్పకుండా భారీ విజయాన్ని సొంతం చేసుకుంటుందని నమ్ముతున్నాను..’ అని నాగబాబు చెప్పుకొచ్చారు.
