వర్మ రూటే సెప‌రేటు, మోనార్క్‌-ఎవ్వ‌రి మాటా విన‌డు.. ఇలాంటి డైలాగ్స్ అన్నింటికీ స‌రిగ్గా సరిపోయే వ్యక్తి. త‌ను తీసే చిత్రాలు హిట్టా, ఫ‌ట్టా అని ప‌ట్టించుకోకుండా వ‌రుస సినిమాలు చేసుకుపోతుంటాడు. ఇక సామజిక అంశాలపై ఆయన తీరు డిఫరెంట్.
తాజాగా ప్రపంచాన్ని వణికిస్తోన్న కరోనా వైరస్‌పై వర్మ పాటను రూపొందించారు. కరోనా వైరస్‌ను ఓ పురుగుతో పోలుస్తూ ప్రజల్లో అవగాహన కల్పించారు. ఆయన పాడిన ఈ పాట విభిన్నంగా ఉంది. ‘అది ఒక పురుగు.. కనిపించని పురుగు.. కరోనా ఓ పురుగు.. నీ బతుకుకి ఒక చిరుగు..అయినా చివరికి మంచే జరుగు.. నలిపేద్దామంటే అంత సైజు లేదు దానికి. పచ్చడి చేద్దామంటే కండ లేదు దానికి. అదే దాని బలం.. అదే దాని దమ్ము’ అంటూ వర్మ తన స్టైల్‌లో పాడాడు.
