ఈ సంక్రాంతికి అల్లు అర్జున్ సంద‌డి చేస్తాడ‌నుకొన్నారంతా..! బ‌న్నీ – సురేంద‌ర్‌రెడ్డి క‌ల‌యిక‌లో రూపుదిద్దుకొంటున్న రేసుగుర్రం సినిమాని ఈ సంక్రాంతికి విడుద‌ల చేస్తామ‌ని ముందు నుంచీ చిత్రబృందం చెబుతూ వ‌స్తోంది. అయితే ఈ సినిమా సంక్రాంతికి రావ‌డం లేద‌ట. ఫిబ్రవ‌రిలో విడుద‌ల చేయాల‌ని తాజాగా చిత్రబృందం నిర్ణయం తీసుకొన్నట్టు స‌మాచార‌మ్‌. డిసెంబ‌ర్‌కి రావ‌ల్సిన ఎవ‌డు సంక్రాంతికి వాయిదా ప‌డింది. ఆ సినిమాలో బ‌న్నీ కూడా ఉన్నాడు. మెగా ఫ్యామిలీ హీరోల‌కు చెందిన రెండు సినిమాలు ప‌క్క ప‌క్కనే విడుద‌ల చేస్తే ఇబ్బందే. అందుకే చ‌ర‌ణ్ కోసం బ‌న్నీ వెన‌క‌డుగు వేశాడు. రేసుగుర్రం సినిమాకి ఫిబ్రవ‌రి 7న విడుద‌ల చేస్తార‌ని విశ్వస‌నీయ వ‌ర్గాల స‌మాచార‌మ్‌.
