సూపర్‌స్టార్‌ మహేష్‌ బాబు ప్రస్తుతం క్రేజీ దర్శకుడు మురుగదాస్‌ దర్శకత్వంలో ‘స్పైడర్‌’ చిత్రంలో నటిస్తున్నాడు. ఈ చిత్రం జూన్‌ 23న విడుదల కావాల్సి ఉంది. కానీ షూటింగ్‌ అనుకున్న సమయానికి పూర్తి కాకపోవడం వల్ల విడుదలను ఇంకాస్త ఆలస్యం చేయనున్నట్టు సమాచారం. ఈ చిత్ర క్లైమాక్స్‌ సన్నివేశాలు తెలుగులో, తమిళంలో వేరు వేరుగా షూట్‌ చేయడం వల్ల ఆలస్యం అవుతుంది అని అంతా అనుకున్నారు. తమిళంలో మహేష్‌బాబు కొత్త కాబట్టి తమిళ ప్రేక్షకులకు ఓవరాక్షన్‌ నచ్చదని, తమిళ వెర్షన్‌లో చాలా సింపుల్‌గా తెరకెక్కించడానికి ప్లాన్‌ చేస్తున్నారు అనుకున్నారు. కానీ రీషూట్‌కు కారణం వేరే అని తాజాగా సమాచారం అందుతోంది.
తమిళంలో ఇటీవలె ‘కావన్‌’ చిత్రం విడుదలయ్యింది. ఆ చిత్రం సన్నివేశాలు కూడా ‘స్పైడర్‌’నే పోలి ఉన్నాయట. దాంతో ‘స్పైడర్‌’ కాపీ అని అనుకుంటారని, అందుకే పూర్తిగా తమిళ సన్నివేశాలు మార్చి తెరకెక్కించడానికి మురుగదాస్‌ ప్రయత్నాలు చేస్తున్నాడు. కొత్త సీన్లను రచించి, షూట్‌ చేసే వరకు ఆలస్యం అవుతుంది. ‘కావన్‌’ చిత్రం వల్లనే ‘స్పైడర్‌’కు ఇంత ఆలస్యం అవుతుంది. ఆలస్యం అయినా కూడా అభిమానులకు ఈ చిత్రం చాలా తీపిగా ఉంటుంది అని చిత్ర యూనిట్‌ వారు అంటున్నారు. ఈ చిత్రాన్ని మహేష్‌ పుట్టిన రోజు సందర్భంగా అగస్టు 9న విడుదల చేయడానికి సన్నాహాలు చేస్తున్నారు.
