ఓ సారి ఫ్లాప్ ఇచ్చిన దర్శకుడితో సినిమా చేయడానికి హీరోలు భయపడతారు. కానీ రవి తేజ మళ్ళీ మళ్ళీ వాళ్ళనే నమ్ముకుంటారు. ‘షాక్’ ఇచ్చిన హరీష్ శంకర్ కి మరో అవకాశం ఇచ్చారు ‘మిరపకాయ్’ సినిమాతో. ఆ హిట్ తో హరీష్ పెద్ద డైరెక్టర్ అయిపోయాడు. ఇప్పుడు మరో ఫ్లాప్ దర్శకుడి ని నమ్మి అవకాశం ఇచ్చేపనిలో వున్నాడు. ఆయనే రమేష్ వర్మ. రవితేజని ‘వీర’గా చూపించింది ఆయనే. ఆ సినిమా మంచి ఫలితాన్ని రాబట్టుకోలేక పోయింది. అయినా రమేష్ పై నమ్మకంతో.. మరో సినిమా అప్పజెప్పారు. రమేష్ వర్మ- రవి తేజ కలయికలో ఓ సినిమా రావడానికి సర్వం సిద్ధం అవుతోంది. ఓ ప్రముఖ నిర్మాత ఈ సినిమాతెరకెక్కిస్తారు. ప్రస్తుతం రవి.. ‘బలుపు’ చుపించబోతున్నారు. ఆ సినిమా పూర్తయిన తరవాత రమేష్ వర్మ సినిమా మొదలయ్యే అవకాశం వుంది.
