రవితేజ హీరోగా రూపొందుతున్న డిస్కోరాజా చిత్రాన్ని ముందు నుండి కూడా దసరాకు విడుదల చేయాలని భావించారు. కాని కొన్ని కారణాల వల్ల సినిమాను ఆలస్యంగా ప్రారంభించారు. అసలు సినిమా ఉందా లేదా అనే అనుమానాలు కూడా వ్యక్తం అయ్యాయి. విభిన్న చిత్రాల దర్శకుడిగా పేరున్న విఐ ఆనంద్‌ దర్శకత్వంలో ఈ చిత్రం రూపొందుతుంది. రవితేజ గత చిత్రాలు బాక్సాఫీస్‌ వద్ద బొక్క బోర్లా పడ్డా కూడా ఈ చిత్రంపై అంతో ఇంతో అంచనాలున్నాయి. దసరాకు విడుదల చేయాలనుకున్న ఈ చిత్రంను కాస్త ఆలస్యంగా డిసెంబర్‌లో విడుదల చేసేందుకు ఏర్పాట్లు చేస్తున్నారు.
ఈ చిత్రం కొత్త షెడ్యూల్‌ను ఢిల్లీలో ప్లాన్‌ చేస్తున్నారు. డిసెంబర్‌ 20వ తారీకుకు ఈ చిత్రాన్ని ఫిక్స్‌ చేయాలని భావిస్తున్నారు. కాస్త అటు ఇటు కాకుండా 20వ తారీకు విడుదల చేస్తే అన్ని విధాలుగా బాగుంటుంది. సంక్రాంతికి విడుదల చేయాలని భావించినప్పటికి అప్పుడు పెద్ద సినిమాలున్నాయి. ఆ కారణంగా మూడు వారాల ముందే అంటే డిసెంబర్‌లోనే డిస్కోరాజాను ప్రేక్షకుల ముందుకు తీసుకు వచ్చేందుకు ఏర్పాట్లు చేస్తున్నట్లుగా తెలుస్తోంది. ఈ చిత్రంతో పాటు మరో రెండు సినిమాలు కూడా కాస్త అటు ఇటుగా విడుదలయ్యే అవకాశం ఉంది.
