సినిమాలో స్టార్స్‌ చేసే నటన, డాన్స్‌ను చూసి మనం అభిమానిస్తాం. అయితే అదే డాన్స్‌ను స్టేజ్‌ పై చేసేందుకు మాత్రం ఆ స్టార్స్‌ చాలా మంది ఇబ్బంది పడతారు. కెమెరా ముందు అయితే ఒక్క స్టెప్పు వేయగానే కట్‌ చెప్తారు. ఆ తర్వాత మరో స్టెప్పు. కాని స్టేజ్‌ షో అంటే అలా కాదు. కంటిన్యూస్‌గా అయిదు నిమిషాల పాటు డాన్స్‌ వేస్తూనే ఉండాలి. కొన్ని సార్లు ఎక్కువ సమయం కూడా అవ్వొచ్చు. అందుకే స్టార్స్‌ ఎవరు కూడా ఎక్కువ శాతం స్టేజ్‌ షోలకు ఆసక్తి చూపించరు. కాని డియర్‌ కామ్రేడ్‌ సినిమా ప్రమోషన్‌లో భాగంగా మ్యూజికల్‌ ఫెస్టివల్‌ పేరుతో విజయ్‌ దేవరకొండ మరియు రష్మికలు తెగ స్టేజ్‌ షోలు ఇస్తున్నారు.
బెంగళూరు, చెన్నై నిన్న రాత్రి హైదరాబాద్‌. ఇలా వరుసగా మూడు రోజులు ఏమాత్రం అలసి పోకుండా విజయ్‌ దేవరకొండ మరియు రష్మికలు స్టేజ్‌ షోలు ఇస్తున్నారు. ముఖ్యంగా చాలా కష్టమైన డాన్స్‌ స్టెప్పులను రష్మిక చేస్తూ వచ్చింది. కేవలం ఒకటి రెండు కాకుండా పలు పెర్ఫార్మెన్స్‌లు ఇచ్చి అభిమానులను మరియు ప్రేక్షకులను మెప్పించింది. ఈమె చేసిన డాన్స్‌కు ప్రేక్షకులు ఫిదా అవుతున్నారు. ప్రస్తుతం సోషల్‌ మీడియాలో మ్యూజిక్‌ ఫెస్ట్‌లో రష్మిక చేసిన డాన్స్‌లు వైరల్‌ అవుతున్నాయి. రష్మిక ఎనర్జికి ఫ్యాన్స్‌ ఫిద అవుతున్నారు.
