ఆ ఘడియల కోసం ఎదురు చూస్తున్న రష్మిక

ప్రస్తుతం టాలీవుడ్‌లో మోస్ట్‌ వాంటెడ్‌ హీరోయిన్‌ రష్మిక మందన్న. ఈ అమ్మడు ఛలో చిత్రంతో సింపుల్‌గా ఎంట్రీ ఇచ్చి ‘గీత గోవిందం’ చిత్రంతో స్టార్‌ అయ్యింది. ఇక ప్రస్తుతం డియర్‌ కామ్రేడ్‌ చిత్రంతో విజయ్‌ దేవరకొండతో మరోసారి వచ్చి సూపర్‌ హిట్‌ను దక్కించుకునేందుకు సిద్దంగా ఉంది. ఈ సమయంలోనే ఈమెకు మహేష్‌బాబుతో ‘సరిలేరు నీకెవ్వరు’ చిత్రంలో నటించే అవకాశం దక్కింది. మహేష్‌బాబుతో నటించే అవకాశం దక్కడంతో ఈ అమ్మడు ఒక్కసారిగా మరింత క్రేజ్‌ను సంపాదించుకుంది. మహేష్‌బాబుతో కనీసం ఒక్కసారైనా నటించాలని ప్రతి ఒక్కరు కోరుకుంటారు. ఆ అవకాశం రష్మికకు దక్కింది.

తాజాగా డియర్‌ కామ్రేడ్‌ చిత్రం ప్రమోషన్‌లో భాగంగా ఒక ఇంటర్వ్యూలో మాట్లాడుతూ.. సరిలేరు నీకెవ్వరు చిత్రం షూటింగ్‌లో ఎప్పుడెప్పుడు జాయిన్‌ అవ్వాలా అంటూ ఆసక్తిగా ఎదురు చూస్తున్నట్లుగా చెప్పుకొచ్చింది. మొన్నటి వరకు కశ్మీర్‌ షెడ్యూల్‌ చిత్రీకరించిన చిత్ర యూనిట్‌ సభ్యులు ఈ వారంలో హైదరాబాద్‌లో కొత్త షెడ్యూల్‌ చిత్రీకరించేందుకు ఏర్పాట్లు చేస్తున్నారు. ఆ షెడ్యూల్‌లో రష్మిక పాల్గొనబోతుంది. రామోజీ ఫిల్మ్‌సిటీలో వేస్తున్న కొండారెడ్డి బురుజు సెట్స్‌ వద్ద రష్మిక మరియు మహేష్‌లపై కీలక సన్నివేశాల చిత్రీకరణ జరుపబోతున్నట్లుగా తెలుస్తోంది.