ముద్దుగుమ్మ రాశిఖన్నాకు ఈ మద్య వరుస ఆఫర్‌లు అందుతున్నాయి. రాశి అందం, అభినయం రెండూ కూడా తెలుగు ప్రేక్షకులకు బాగా కనెక్ట్‌ అయ్యాయి. అందుకే ఈ అమ్మడికి చిన్న, పెద్ద హీరోల చిత్రాలలో వరుస అవకాశాలు వస్తున్నాయి. మెగా హీరో సాయిధరమ్‌ తేజ్‌ సరసన ‘సుప్రీమ్‌’ చిత్రంలో నటించి తన నటనకు మంచి మార్కులను సొంతం చేసుకున్న రాశి ఖన్నాను మరో మెగా ఆఫర్‌ తగిలింది. మెగా హీరో వరుణ్‌ తేజ్‌ ప్రస్తుతం శేఖర్‌ కమ్ముల దర్శకత్వంలో ‘ఫిదా’ చిత్రంలో నటిస్తున్నాడు. ఈ చిత్ర షూటింగ్‌ ఎప్పుడో పూర్తికావాల్సి ఉంది కానీ వరుణ్‌ తేజ్‌కు షూటింగ్‌ సమయంలో గాయాల పాలవడం వలన ఇంత ఆలస్యం అయ్యింది.
వరుణ్‌ తేజ్‌ ఈ చిత్ర షూటింగ్‌ పూర్తి కావొస్తుండగానే తదుపరి చిత్రంకు సన్నాహాలు చేస్తున్నాడు. తదుపరి చిత్రాన్ని వెంకీ అట్లూరి దర్శకత్వంలో నటించనున్నాడు. ఈ చిత్రంలో మొదటగా హీరోయిన్‌గా మెహ్రీన్‌ కౌర్‌ను ఎంపిక చేసుకున్నారు. కొన్ని కారణాల వల్ల మెహ్రీన్‌ను ఈ ప్రాజెక్ట్‌ నుండి తప్పించేశారు. కాగా ఈ చిత్రంలో హీరోయిన్‌గా రకుల్‌ను ఎంపిక చేయాలని భావించగా డేట్స్‌ కుదరక పోవడంతో రకుల్‌ నో చెప్పింది. దాంతో చిత్ర యూనిట్‌ వెంటనే వాశి ఖన్నాను సంప్రదించారు. మరో మెగా ఆఫర్‌ రావడంతో రాశి వెంటనే ఒకే చెప్పింది. ప్రస్తుతం రెండు చిత్రాలతో బిజీగా ఉన్న ఈ అమ్మడు మరో మెగాహీరోతో రొమాన్స్‌కు సై అంది.
