అక్కినేని నాగచైతన్య తాజా చిత్రం ‘రారండోయ్‌ వేడుక చూద్దాం’ చిత్రం త్వరలో ప్రేక్షకుల ముందుకు రావడానికి ముస్తాబవుతోంది. ఈ చిత్రాన్ని ‘సోగ్గాడే చిన్నినాయనా’ ఫేం కళ్యాణ్‌కృష్ణ తెరకెక్కించగా ముద్దుగుమ్మ రకుల్‌ ప్రీత్‌ సింగ్‌ హీరోయిన్‌గా నటించింది. తాజాగా విడుదలయిన ఈ చిత్ర ట్రైలర్‌కు ప్రేక్షకుల నుండి మంచి స్పందన వచ్చింది. కుటుంబ కథా నేపథ్యంతో తెరకెక్కిన ఈ చిత్రంపై అక్కినేని అభిమానులతో పాటు ప్రేక్షకులకు కూడా అంచనాలు పెరిగాయి.
చైతూ ‘రారండోయ్‌ వేడుకచూద్దాం’ పాటలను నేడు విడుదల చేయాలని యూనిట్‌ సన్నాహాలు చేస్తున్నారు. ట్రైలర్‌ సక్సెస్‌ కావడంతో ఆడియో వేడుకను ఘనంగా ప్లాన్‌ చేశారు. కానీ అనుకోని కారణాల వల్ల ఈ వేడుక రద్దు అయ్యింది. హీరో సుశాంత్‌ తండ్రి ఆకస్మిక మరణంతో అక్కినేని కుటంబం అంతా విషాదంలో మునిగింది. శోక సంద్రంలో ఉన్న అక్కినేని కుటుంబం ఈ వేడుకను వాయిదా వేసినట్టు తెలుస్తోంది. భారీగా ప్లాన్‌ చేసుకున్న చైతూ వేడుక రద్దు అయ్యింది.
