భీష్మ తో సూపర్ హిట్ అందుకున్న నితిన్..ప్రస్తుతం సెట్స్ ఫై ఉన్న సినిమాల ఫై ఫుల్ ఫోకస్ పెట్టాడు. వాటిల్లో రంగ్ దే చిత్రం ఒకటి. ‘తొలిప్రేమ’, ‘మిస్టర్ మజ్ను’ చిత్రాల దర్శకుడు వెంకీ అట్లూరి దర్శకత్వంలో ఈ సినిమా తెరకెక్కుతుంది. ‘గిమ్మీ సమ్ లవ్’ అనేది ట్యాగ్ లైన్.
నితిన్ సరసన కీర్తి సురేష్ హీరోయిన్‌గా నటిస్తుండగా.. పీడీవీ ప్రసాద్ సమర్పణలో సితార ఎంటర్‌టైన్మెంట్స్ బ్యానర్‌పై సూర్యదేవర నాగవంశీ ఈ సినిమాను నిర్మిస్తున్నారు. దిగ్గజ సినిమాటోగ్రాఫర్ పి.సి.శ్రీరామ్ ఈ సినిమాకు కెమెరామన్‌గా పనిచేస్తున్నారు. ప్రస్తుతం షూటింగ్ దశలో ఉన్న ఈ చిత్ర తాలూకా ఫస్ట్ లుక్ మార్చి 29 సాయంత్రం 4:05 నిమిషాలకు రిలీజ్ చేయబోతున్నట్లు చిత్ర యూనిట్ అధికారిక ప్రకటన చేసారు.