మెగా పవర్ స్టార్ రామ్ చరణ్ క్రేజ్ ఇప్పుడు హాలీవుడ్ చేరింది. దర్శకధీరుడు రాజమౌళి దర్శకత్వం వహించిన ఆర్ఆర్ఆర్ సినిమాలో రామ్ చరణ్ మరియు ఎన్టీఆర్ ల నటన సినిమాను మరో స్థాయిలో నిలబెట్టింది. అంతేకాదు అంతర్జాతీయ స్థాయిలో సినిమాకు నామినేషన్లు సాధించి పెట్టింది. ఇక ఇప్పటికే ఈ సినిమా పలు అంతర్జాతీయ అవార్డులను సైతం అందుకుంది. గోల్డెన్‌ గ్లోబ్‌, క్రిటిక్‌ ఛాయిస్ సహా పలు అంతర్జాతీయ అవార్డులు గెలుచుకున్న ఈ సినిమాను ఇప్పుడు మరో నాలుగు అంతర్జాతీయ అవార్డులు కూడా వరించాయి. ఇప్పుడు బెస్ట్ యాక్టర్ ఇన్ యాక్షన్ మూవీ క్యాటగిరిలో రామ్ చరణ్ మరియు ఎన్టీఆర్ లకు నామినేషన్ లభించింది. ది క్రిటిక్స్ ఛాయిస్ అసోసియేషన్ రెండేళ్లుగా ‘ది క్రిటిక్స్ ఛాయిస్ సూపర్ అవార్డ్స్’ పేరుతో అంతర్జాతీయ స్థాయిలో ప్రతిభ కనబరిచిన నటీనటులు, సాంకేతిక నిపుణులకు పురస్కారాలు ఇస్తుంది. క్రిటిక్స్ ఛాయిస్ అవార్డ్స్ మూడో ఎడిషన్ లో ట్రిపుల్ ఆర్ సినిమాకు గాను బెస్ట్ యాక్టర్ ఇన్ యాక్షన్ మూవీ కేటగిరీలో రామ్ చరణ్ మరియు ఎన్టీఆర్ నామినేషన్ అందుకున్నారు. మార్చి 16న విన్నర్స్ డిటైల్స్ అనౌన్స్ చేస్తారు.
