సూపర్ స్టార్ మహేష్ బాబు తో వంశీ పైడిపల్లి మహర్షి అనే సూపర్ హిట్ ఫిలిం తెరకెక్కించిన సంగతి తెలిసిందే. ఈ సినిమా సూపర్ హిట్ కావడం తో మహేష్ తన 27 వ చిత్రాన్ని మళ్లీ వంశీకే ఇచ్చాడు. తీరా సెట్స్ పైకి వెళ్లబోతుందనే టైం లో వంశీ కథ ఫై అనుమానం వచ్చి పక్కకు పెట్టి..పరుశురాం కథ కు ఓకే చెప్పాడు. లాక్ డౌన్ తర్వాత ఈ మూవీ సెట్స్ పైకి వెళ్లబోతుందని వినికిడి.
ఇదిలా ఉంటె ఇప్పుడు వంశీ తో ఓ సినిమా చేసేందుకు రామ్ చరణ్ సిద్ధం అవుతున్నాడనే వార్తలు ఫిలిం సర్కిల్లో చక్కర్లు కొడుతున్నాయి. గతంలో వీరిద్దరూ కలయికలో ‘ఎవడు’ సినిమా వచ్చి మంచి విజయం సాధించింది. రామ్ చరణ్ ప్రస్తుతం ‘ఆర్.ఆర్.ఆర్’తో బిజీగా ఉన్నాడు. ఈ చిత్ర అనంతరం ‘ఆచార్య’ మూవీలో ఒక పాత్ర చేయనున్న సంగతి తెలిసిందే. మరి నిజంగానే చరణ్ వంశీ కి ఓకే చెప్పాడా లేదా అనేది క్లారిటీ గా తెలియాల్సి ఉంది.
