రామ్‌తో ప్లాన్‌ చేస్తున్న వర్మ

రామ్‌ గోపాల్‌ వర్మ ఎప్పుడు ఎలాంటి సినిమాలు చేయాలనుకుంటాడో ఆయనకే తెలియదు. రాత్రికి రాత్రి నిర్ణయాలు తీసేసుకుంటాడు. అలా ఎన్నో సినిమాలను ప్రకటించాడు. అందులో కొన్ని తీయడం కూడా జరిగింది. తెలుగులో లక్ష్మీస్‌ ఎన్టీఆర్‌ చిత్రం తర్వాత వర్మ ఏ సినిమాను చేయడం లేదు. ఈమద్య కాలంలో వర్మ చేసిన ఏ సినిమా కూడా ఆడటం లేదు. అయినా కూడా వర్మ మాత్రం తన ప్రయత్నాలను ఆపడం లేదు. వర్మకు ఎన్ని ఫ్లాప్‌లు పడ్డా కూడా హీరోలు ఆయన దర్శకత్వంలో నటించకుండా ఉండలేరు.

తాజాగా ఇస్మార్ట్‌ శంకర్‌ చిత్రంపై వర్మ చేసిన రచ్చ ఎంతో ప్రత్యేకంగా చెప్పనక్కర్లేదు. ఆ సినిమా సక్సెస్‌ను ఆ చిత్ర యూనిట్‌ సభ్యుల కంటే కూడా ఎక్కువగా వర్మ ఎంజాయ్‌ చేశాడు. ఆ చిత్రంలో రామ్‌ నటనకు వర్మ ఫిదా అయ్యాడు. ఎంతగా అంటే ఆయనతో ఒక సినిమా తీయాలని నిర్ణయించుకునేంతగా. త్వరలోనే రామ్‌తో ఒక సినిమా తీస్తానంటూ వర్మ ప్రకటించాడు. వర్మ ఎన్నో సినిమాలు ప్రకటించాడు. మరి ఈ సినిమా పట్టాలెక్కుతుందో లేదో తెలియదు కాని, వర్మ నుండి మరో తెలుగు సినిమా అంటూ జనాలు బాబోయ్‌ అంటున్నారు.