ఇప్పుడు టాలీవుడ్‌లో హాట్‌ టాఫిక్‌గా మారింది ‘బాహులి 2’ ట్రైలర్‌. కనీ,వినీ ఎరుగని రీతిలో ఈ ట్రైలర్‌కు ప్రేక్షకుల నుండి అశేష స్పందన వస్తోంది. కేవలం 24గంటల్లోనే 5మిలియన్ల వ్యూస్‌ను సొంతం చేసుకుని ఇదివరకు ఉన్న టాలీవుడ్‌ రికార్డులు అన్నీ ఊడ్చేసింది. రాజమౌళి ట్రైలర్‌కు ఈ రేంజ్‌లో స్పందన రావడంతో అంతా కూడా ఆయన్ను ఆకాశానికి ఎత్తేస్తున్నారు. ఇక వివాదాల దర్శకుడు రామ్‌గోపాల్‌ వర్మ కూడా తనదైన తీరుగా ఈ ట్రైలర్‌ ఫిగర్‌పై స్పందించాడు. టాలీవుడ్‌లో ఉన్న మెగా సూపర్‌స్టార్లందరు కూడా ప్రభాస్‌ కాలి గోటిని తాకలేరు, తాకాలంటే రెండు జన్మలు ఎత్తాల్సిందే అని చాలా వివాదాస్పదంగా స్పందించారు.
ఇది వరకే ‘బాహుబలి’ సినిమాలకు అమ్మ కాదు, అమ్మమ్మ అంటూ వర్ణించిన వర్మ తాజాగా ట్రైలర్‌ ఫిగర్‌ను చూసి మరింత వివాదాస్పదంగా ట్వీట్‌ చేశాడు. ట్రైలర్‌ వ్యూస్‌ చూసి టాలీవుడ్‌లో ఉన్న స్టార్లంతా కూడా ఆత్మహత్య చేసుకునే పరిస్థితి వస్తుందేమో, ఈయన క్రేజ్‌ చూస్తుంటే స్టార్స్‌ అంతా ఆత్మహత్యా చేసుకునే పరిస్థితి తప్పలేదు అని ట్వీట్‌ చేశాడు. వర్మ ఏదైనా విషయంపై స్పందించాడంటే అది కచ్చితంగా వివాదాస్పదం అవుతూనే ఉంటుంది. వర్మ చేసిన ఈ ట్వీట్లతో టాలీవుడ్‌లో ఉండే అగ్ర ఫ్యామిలీల నుండి వర్మపై విమర్శల వెల్లువ సాగుతుంది. అగ్రహీరోలంతా కూడా వర్మపై చాలా గుర్రుగా ఉన్నారు.
