రాజమౌళి, పవన్‌లు అలా చేయాలని కోరుకుంటున్నా : వర్మ

వివాదాల దర్శకుడు ప్రపంచంలో ఏ అంశం ఆసక్తికరంగా ఉంటే దానిపై కచ్చితంగా తన అభిప్రాయాన్ని సోషల్‌ మీడియాలో పోస్ట్‌ చేస్తాడు. ఇలా చేసి చాలాసార్లు విమర్శల పాలయ్యి ఏకంగా వివాదాల దర్శకుడిగా పేరు తెచ్చుకున్నాడు. ఇటీవల పవన్‌కళ్యాణ్‌ నటించిన ‘కాటమరాయుడు’ చిత్రంపై చాలా వింతంగా స్పందించి పవన్‌ అభిమానులకు బాగా కోపం తెప్పించాడు. ఇక తాజాగా ‘బాహుబలి’ చిత్ర ప్రీ రిలీజ్‌ వేడుక జరగగా వర్మ మరోసారి సోషల్‌ మీడియాలో హల్‌చల్‌ చేస్తున్నాడు.

టాలీవుడ్‌ జక్కన్న రాజమౌళి మరియు పవర్‌స్టార్‌ పవన్‌ కళ్యాణ్‌ కలిస్తేనా..!! ఈ ఇద్దరు ఒక చిత్రాన్ని తీస్తే అది కచ్చితంగా ఇప్పటి వరకు ఉన్న బాక్సాఫీసు రికార్డులన్నిటిని కూడా బద్దలు కొట్టడం ఖాయం, ఒక అభిమానిగా ఇది అతి త్వరలోనే జరగాలని కోరుకుంటున్నా అని ట్వీట్‌ చేశాడు.

వర్మ ఈ ట్వీట్‌కు భారీ స్థాయిలో స్పందన వస్తూ వందల సంఖ్యలో షేర్లు, వేల సంఖ్యలో లైకులు వచ్చి పడుతూ సోషల్‌ మీడియాలో బాగా వైరల్‌ అవుతుంది. మొన్న పవన్‌కళ్యాణ్‌ను తిట్టిన వర్మ తాజాగా ఆయనను ఈ ట్వీట్‌తో ఆకాశానికి ఎత్తినట్టే. హేవిటో ఈ వర్మ… ఎప్పుడు ఎలా ఉంటాడో దేవుడికి కూడా తెలియదు.