ఈ చిత్రానికి అభిమానుల నుండి మంచి టాక్‌ వస్తున్నా కూడా ప్రేక్షకుల నుండి మాత్రం మిశ్రమ స్పందననే వస్తోంది. ఇక ‘కాటమరాయుడు’ను టార్గెట్‌ చేసి వర్మ పరోక్షంగా పెద్ద ట్వీట్ల రామాయణాన్నే మొదలుపెట్టాడు. వర్మ ట్వీట్లతో పవన్‌ అభిమానులు వర్మపై కోపంతో ఊగిపోతున్నారు.
సుబ్బారావు, పని మనిషి, సో అండ్‌ సో అంటూ పలువురు అపరిచిత పేర్లను పెట్టి ‘కాటమరాయుడు’ను టార్గెట్‌ చేసి వివాదాస్పదంగా ట్వీట్లు చేశాడు. ఒక 70ఏళ్ల మనిషి ‘కాటమరాయుడు’ చూడడం కన్నా పోర్న్‌ సినిమా చూస్తే మంచిది అన్నాడు దాని అర్థం ఏంటి..?? అని వర్మ ట్వీట్‌ చేశాడు. అంతేకాకుండా మూడు పెళ్లిల్లు చేసుకున్నానని గర్వంగా ఫీల్‌ కాకుండా ఒక మంచి చిత్రాన్ని నిర్మించాలి అని పవన్‌ ఎందుకు ఫీలవుతున్నాడు, పవన్‌ అభిమానులు గొర్రెల లాంటి వారు, గొర్రెలకు కనీసం మందమైన చర్మం కూడా ఉండదు అంటూ వివాదాస్పదంగా ట్వీట్‌ చేశాడు. అంతేకాకుండా ఇంకా పరోక్షంగా చాలా ట్వీట్లనే చేసి హాట్‌ టాఫిక్‌గా మారాడు.
అభిమానులు పవన్‌పై కుట్రతోనే వర్మ ఇలా చేస్తున్నాడు అంటే వర్మ అభిమానులు మాత్రం వర్మ అంత పిరికి వాడు కాదు నిజంగా తనతో ఎవరైనా అన్నారేమో, కానీ వర్మ కప్పిపుచ్చుకోవడానికి వేరే వారి పేర్లను అసలు వాడడు అంటూ సోషల్‌ మీడియాలో పోస్ట్‌లు చేస్తున్నారు.