మెగాస్టార్‌ చిరంజీవి 151వ సినిమా ‘ఉయ్యాలవాడ నరసింహా రెడ్డి’ స్క్రిప్ట్‌ వర్క్‌ దాదాపుగా పూర్తి అయ్యింది. అతి త్వరలోనే సినిమాకు సంబంధించిన షూటింగ్‌ కార్యక్రమాలు ప్రారంభం కాబోతున్నాయి. భారీ అంచనాలున్న ఈ సినిమాకు సురేందర్‌ రెడ్డి దర్శకత్వం వహిస్తున్న విషయం తెల్సిందే. ఛారిత్రాత్మక నేపథ్యం ఉన్న సినిమా కనుక సంగీతం చాలా కీక పాత్ర పోషిస్తుందని చెప్పాలి. మోడ్రన్‌గా ఉండకుండా, కాస్త పాత పద్దతిలో ప్రేక్షకులను ఆకట్టుకునేలా ఉండాలి. అందుకోసం సంగీత దర్శకుడు అనుభవజ్ఞుడై ఉండాలి.
అయితే ఈ సినిమాకు సంగీత దర్శకుడిగా తమన్‌ను ఎంపిక చేసి అందరికి షాక్‌ ఇచ్చాడు చరణ్‌. సంగీత దర్శకుడి విషయంలో చరణ్‌ తీసుకున్న నిర్‌ణయాన్ని కొందరు తప్పుబడుతున్నారు. సురేందర్‌ రెడ్డి కూడా తమన్‌కు ఓకే చెప్పడంతో ఇది కన్ఫర్మ్‌ అయినట్లుగా తెలుస్తోంది. మెగాస్టార్‌ చిరంజీవి 151వ సినిమా కోసం తెలుగు ప్రేక్షకులు చాలా ఆసక్తి పెట్టుకుని ఉన్నారు. ఆ అంచనాలను అందుకునేలా ఈ సినిమా ఉండేందుకు దర్శకుడు సురేందర్‌ రెడ్డి తన శక్తి వంచన మేరకు ప్రయత్నాలు చేస్తున్నాడు. ఈ సినిమాలో హీరోయిన్‌ ఎవరు అనేది ఇంకా క్లారిటీ రాలేదు.
