మెగాపవర్‌స్టార్‌ రామ్‌చరణ్‌ నటించిన ‘రంగస్థలం’ చిత్రం గురించి ప్రత్యేకంగా చెప్పనక్కర్లేదు. ఈ చిత్రంలో చెర్రీ పాత్రకు విమర్శకుల ప్రశంసలు దక్కాయి. అంతేకాకుండా ఈ చిత్రానికి గాను చాలా అవార్డులను చెర్రీ సొంతం చేసుకున్నాడు. తాజాగా మరో అవార్డు కూడా చెర్రీకి లభించింది. చిట్టిబాబు పాత్రకు గాను మరో అవార్టును బుట్టలో వేసుకోబోతున్నాడు. సంతోషం అవార్డ్స్‌ 2019 కు చిట్టిబాబుకు ఆహ్వానం అందింది. ఈ అవార్డుల వేడుక హైదాబాద్‌లోని నోవాటెల్‌లో ఈ నెల 29 జరుగునుంది.
ప్రస్తుతం ‘సైరా’ చిత్రంతో చాలా బిజీగా ఉన్న చెర్రీకి సంతోషం టీం నుండి ఆహ్వానం లభించింది. అయితే ఇంత బిజీ షెడ్యూల్‌లో చరణ్‌ అవార్డు కోసం వెళతారా? లేదా అనేది క్లారిటీ లేదు. మెగాస్టార్‌ చిరంజీవి నటించిన ‘సైరా’ చిత్ర నిర్మాతగా చెర్రీ ప్రస్తుతం పోస్ట్‌ ప్రొడక్షన్‌ పనుల్లో పడ్డారు. ఇకపోతే ప్రపంచవ్యాప్తంగా ఈ చిత్ర విడుదలను భారీగా ప్లాన్‌ చేస్తున్నారు. దాదాపు మెట్రో నగరాలన్నిటిలో కూడా ప్రమోషన్‌ కార్యక్రమాలు ప్లాన్‌ చేస్తున్నారు. హీరోగా మంచి ఫామ్‌లో ఉన్నా కూడా నిర్మాతగా సక్సెస్‌ అవుడానికి తగిన కృషి చేస్తున్నాడు. హీరోగా అటు అవార్డుల పర్వం, నిర్మాతగా ఇటు కాసుల వర్షం కురిపిస్తున్నాడు. చిట్టిబాబుకు మరో అవార్డు దక్కినందుకు ‘రంగస్థలం’ యూనిట్‌ అంతా కూడా సంతోషాన్ని వ్యక్తం చేస్తున్నారు.
