రామ్‌ చరణ్‌ ప్రస్తుతం ‘ఆర్‌ఆర్‌ఆర్‌’ చిత్రంలో నటిస్తున్నాడు. రాజమౌళి దర్శకత్వంలో తెరకెక్కుతున్న ఈ భారీ చిత్రం షూటింగ్‌ ప్రస్తుతం హైదరాబాద్‌ శివారు ప్రాంతంలో వేసిన ఒక సెట్టింగ్‌లో చేస్తున్నారు. ఈ సినిమా షూటింగ్‌లో చరణ్‌ పాల్గొన్న సమయంలో చిరంజీవి మరియు సురేఖలు హాజరు అయ్యారు. షూటింగ్‌ చేస్తున్న సమయంలో వారు అక్కడే ఉండి ఒక సీన్‌ చిత్రీకరణ చూశారట. ఆ సీన్‌ చిత్రీకరణ సమయంలో చిరంజీవి ఎమోషనల్‌ అవ్వడంతో పాటు సురేఖ కన్నీరు పెట్టుకున్నట్లుగా చిత్ర యూనిట్‌ సభ్యులు చెబుతున్నారు.
ఆర్‌ఆర్‌ఆర్‌ చిత్రంలో రామ్‌ చరణ్‌తో పాటు ఎన్టీఆర్‌ కూడా నటిస్తున్న విషయం తెల్సిందే. ఎన్టీఆర్‌పై మొన్నటి వరకు బల్గేరియాలో చిత్రీకరణ చేసిన జక్కన్న ఇప్పుడు చరణ్‌పై హైదరాబాద్‌లో చిత్రీకరణ జరుపుతున్నాడు. అల్లూరి సీతారామరాజును బ్రిటీష్‌ వారు పట్టుకుని కొడుతున్న సన్నివేశాలను చిత్రీకరిస్తున్నారు. ఆ సీన్స్‌ అత్యంత బాధాకరంగా సహజంగా దర్శకుడు రాజమౌళి తెరకెక్కిస్తున్నాడు. అందుకే సురేఖ మరియు చిరంజీవిలు కన్నీరు పెట్టుకున్నారు.
