రామ్‌చరణ్‌ ‘మగధీర’ చిత్రంలోని షేర్‌ ఖాన్‌ డైలాగ్‌ చెప్పి ఏకంగా రామ్ చరణ్‌నే మెప్పించిన బాలధీరుడు పరుశురామ్‌ అనారోగ్య కారణంతో చనిపోయాడు. పరుశురామ్‌ చెప్పిన మగధీర డైలాగ్‌ అప్పట్లో యూట్యూబ్‌లో సంచలనం సృష్టించింది. సోషల్‌ మీడియాలో పరుశురామ్‌ బాగా ఫేమస్‌ అవ్వడంతో టీవీ9 సాయంతో పరుశురామ్‌ను తన ఆఫీస్‌కు పిలిపంచుకుని మరీ అతడితో రామ్‌చరణ్‌ సరదాగా మాట్లాడిన విషయం తెల్సిందే. ఆరంజ్‌ చిత్రంలో తాను ధరించిన ఒక టీషర్ట్‌ను స్వయంగా చరణ్ పరుశురామ్‌కు గిఫ్ట్‌గా ఇచ్చాడు.
ఆ బుడ్డోడు చెప్పిన డైలాగ్‌కు మెగా ఫ్యాన్స్‌తో పాటు మెగా ఫ్యామిలీ సభ్యులు కూడా అంతా అవాక్కయ్యారు. అతడి చదువుకు సాయం చేస్తాను అంటూ కూడా చరణ్ ముందుకు వచ్చాడు. చరణ్ ఆర్థిక సాయంతో పరుశురామ్‌ చదువుకుంటున్నాడు. కొన్ని రోజులుగా కామెర్ల వ్యాదితో బాధపడుతున్న పరుశురామ్‌ వ్యాది ముదరడంతో మృతి చెందాడు. పరుశురామ్‌ మృతిపట్ల చరణ్ విచారం వ్యక్తం చేశాడు. పరుశురామ్‌ అనారోగ్యం గురించి ముందే తెలిసి ఉంటే చరణ్ చికిత్స చేయించేవాడని మెగా ఫ్యాన్స్‌ ఆవేదన వ్యక్తం చేస్తున్నారు. పరుశురామ్‌ మృతి పట్ల సోషల్‌ మీడియాలో మెగా ఫ్యాన్స్‌ ఆవేదన వ్యక్తం చేస్తున్నారు.
https://www.youtube.com/watch?v=tUacIzTgtHw
