గత రెండు మూడు రోజులుగా ‘సైరా నరసింహారెడ్డి’ చిత్రం వాయిదా పడబోతుంది అంటూ వార్తలు వస్తున్నాయి. అక్టోబర్‌ 2న కాకుండా అక్టోబర్‌ 8 లేదా 9న విడుదల చేయాలని భావిస్తున్నట్లుగా ప్రచారం జరుగుతోంది. దసరా కానుకగా సినిమాను విడుదల చేయాలని నిర్ణయించుకున్నారంటూ సినీ వర్గాల్లో చర్చ మొదలైంది. ఈ సమయంలోనే రామ్‌ చరణ్‌ ఈ వార్తలపై ఫుల్ క్లారిటీ ఇచ్చాడు. సినిమా విడుదల విషయంలో వస్తున్న వార్తలను ఆయన కొట్టి పారేశాడు.
తాజాగా రామ్‌ చరణ్‌ సూళ్లురు పేటలో ప్రభాస్‌ సొంతంగా నిర్మించిన వి ఎపిక్‌ థియేటర్‌ను ప్రారంభించాడు. ఈ సందర్బంగా చరణ్‌ మీడియాతో మాట్లాడాడు. ఇండియాలోనే పెద్దదైన స్క్రీన్‌ను ప్రారంభించడం చాలా సంతోషంగా ఉందన్న చరణ్‌ సైరా విడుదల వాయిదా గురించి మీడియా వారు అడిగిన సమయంలో అవన్ని ఒట్టి పుకార్లే అని, అనుకున్న సమయంకు సైరాను విడుదల చేస్తామంటూ ప్రకటించాడు. చరణ్‌ ఈ ప్రకటనతో గత రెండు రోజులుగా సాగుతున్న పుకార్లు ఆగిపోనున్నాయి.
