టాలీవుడ్‌లో స్టార్‌ హీరోయిన్‌గా కొంత కాలం వెలుగు వెలిగిన ముద్దుగుమ్మ రకుల్‌ ప్రీత్‌ సింగ్‌. ఈమె టాలీవుడ్‌లోని దాదాపు స్టార్‌ హీరోలందరితో కూడా సినిమాలు చేసేసింది. అయితే ఇప్పుడు ఈమె పరిస్థితి అంతంత మాత్రంగానే ఉంది. ఈమెకు పెద్దగా ఆఫర్లు రావడం లేదు. ఈమె చేసిన సినిమాలు సక్సెస్‌ కాకపోవడంతో కూడా సినిమా ఆఫర్లు తగ్గాయి అనడంలో ఎలాంటి సందేహం లేదు. రకుల్‌ ప్రీత్‌ సింగ్‌ ప్రస్తుతం మన్మధుడు 2 ఫలితం కోసం ఎదురు చూస్తుంది. ఆ సినిమా పాజిటివ్‌ రెస్పాన్స్‌ వచ్చినా కూడా అవకాశాలు వస్తాయని మాత్రం ఈమె భావించడం లేదు.
విశ్వసనీయంగా అందుతున్న సమాచారం ప్రకారం రకుల్‌ ప్రీత్‌ సింగ్‌ హీరోయిన్‌గా అవకాశాలు వస్తాయనే నమ్మకం లేకపోవడంతో ఇక చేసేది లేక లేడీ ఓరియంట్‌ చిత్రాలను క్యారెక్టర్‌ ఆర్టిస్టుగా సినిమాలను చేసేందుకు సిద్దం అవుతున్నట్లుగా తెలుస్తోంది. హీరోయిన్స్‌ ఆఫర్లు లేని సమయంలో ఇలాంటి కమర్షియల్‌ సినిమాలు కాకుండా లేడీ ఓరియంటెడ్‌ చిత్రాలను చేస్తూ ఉంటారు. అదే దారిలో ముద్దుగుమ్మ రకుల్‌ ప్రీత్‌ సింగ్‌ కూడా లేడీ ఓరియంటెడ్‌ చిత్రంకు ఓకే చెబుతోంది. వచ్చే ఏడాదిలో రకుల్‌ మొదటి లేడీ ఓరియంటెడ్‌ చిత్రం ఉంటుందని సినీ వర్గాల ద్వారా తెలుస్తోంది.
