కెరియర్‌ మొదటి నుండి నటనతోనే కాకుండా తన గ్లామర్‌తో అందరిని ఆకట్టుకుంటూ తక్కువ సమయంలోనే పెద్ద హీరోల చిత్రాల్లో నటించే అవకాశం పొందింది రకుల్‌ ప్రీత్‌ సింగ్‌. ఈ అమ్మడు ప్రస్తుతం సూపర్‌స్టార్‌ మహేష్‌బాబు మరియు మురుగదాస్‌ల కాంభోలో తెరకెక్కుతున్న చిత్రంతో పాటు మరో రెండు చిత్రాలలో కూడా నటిస్తోంది. ఈ అమ్మడు మహేష్‌బాబు సరసన నటించే చిత్రంలో డాక్టర్‌ పాత్రలో నటిస్తోంది. సాదారణంగా మురుగదాస్‌ చిత్రాలలో హీరోయిన్లు కేవలం పాటల కోసమే తప్ప పాత్రల కోసం ఉండరు. కానీ రకుల్‌ ఉన్న క్రేజ్‌ వల్ల ఈమె పాత్రను కూడా పవర్‌ఫుల్‌గా ఉండే విధంగానే డిజైన్‌ చేశాడట మురుగదాస్‌.
ఇప్పటి వరకు మోడ్రన్‌ పాత్రలలో నటించి మెప్పించిన ఈ చిత్రంలో డాక్టర్‌గా అనగానే అభిమానులు కాస్త ఉత్సాహం కనబర్చారు. సూపర్‌స్టార్‌ పక్కన డాక్టర్‌గా రకుల్‌ ఎలా రొమాన్స్‌ చేస్తుంది ఈ చిత్రంలో గ్లామర్‌గా కనబడుతుందా అనే సందేహాలు వెలువడ్డాయి. తాజాగా ఈ చిత్రంలో డాక్టర్‌గా కనిపిస్తున్న రకుల్‌ లుక్స్‌ లీకయ్యాయి. ఈ ఫొటోలు ప్రస్తుతం సోషల్‌ మీడియాలో తెగ వైరల్‌ అవుతున్నాయి. డాక్టర్‌గా కూడా రకుల్‌ చాలా గ్లామర్‌గా కనిపిస్తోందని అభిమానులు ఖుషీ అవుతున్నారు.
