ఓంకార్‌ బుల్లి తెర నుండి వెండి తెరకు వెళ్లిన సమయంలో ‘రాజు గారి గది’ చిత్రంతో సూపర్‌ హిట్‌ను అందుకున్నాడు. ఆ చిత్రం కమర్షియల్‌గా కూడా అతడికి భారీ లాభాలను తెచ్చి పెట్టింది. అందుకే ఆ సినిమాకు వరుసగా సీక్వెల్స్‌ చేస్తున్నాడు. కథకు సీక్వెల్‌ కాదు కాని ఆ సిరీస్‌లో లారెన్స్‌ కనుక కాంచన, ముని తీసినట్లుగా ఓంకార్‌ వరుసగా తీస్తున్నాడు. ఇప్పటికే రెండు పార్ట్‌లు వచ్చిన రాజు గారి గదికి మూడవ పార్ట్‌ తెరకెక్కుతున్న విషయం తెల్సిందే. తమ్ముడు అశ్విన్‌ బాబు మరియు అవిక గౌర్‌లు ఈ చిత్రంలో నటిస్తున్నారు.
మొదటి రెండు పార్ట్‌లలో ఉన్న అశ్విన్‌ మూడవ పార్ట్‌లో కూడా కొనసాగబోతున్నాడు. ఇక ఈ చిత్రంలో హీరోయిన్‌ పాత్ర కోసం తమన్నాను అనుకున్నారు. ఆమె షూటింగ్‌ ప్రారంభోత్సవంలో కూడా పాల్గొంది. కాని కొన్ని కారణాల వల్ల సినిమా నుండి ఆమె తప్పుకుంది. రాజుగారి గది చిత్రంలో ఆమె స్థానంలో అవికా గౌర్‌ను ఎంపిక చేయడం జరిగింది. తాజాగా వినయక చవితి సందర్బంగా ఫస్ట్‌లుక్‌ విడుదల చేయడం జరిగింది. ఇక చిత్రంను ఇదే ఏడాది చివర్లో ప్రేక్షకుల ముందుకు తీసుకు వచ్చేందుకు దర్శకుడు ఓంకార్‌ తీవ్రంగా ప్రయత్నాలు చేస్తున్నాడు.
