హీరో కోమాలోకి వెళ్లక ముందు నుండి రజినీకాంత్‌ రాజకీయాల్లోకి వస్తానంటూ చెబుతున్నాడు. 16 ఏళ్ల తర్వాత కోమా నుండి బయటకు వచ్చిన తర్వాత కూడా రజినీకాంత్‌ రాజకీయాల్లోకి వస్తాను అంటూనే చెబుతున్నాడు. అప్పటి నుండి ఇప్పటి వరకు రజినీకాంత్‌ అదే పాట పాడుతున్నాడు కాని రాజకీయాల్లోకి వచ్చింది లేదు అనేది ఆ సీన్‌ ఉద్దేశ్యం. దాంతో రజినీకాంత్‌ ఫ్యాన్స్‌ తీవ్ర ఆగ్రహం వ్యక్తం చేశారు. సోషల్‌ మీడియా ద్వారా కోమలి చిత్రంను టార్గెట్‌ చేయడంతో ఆగస్టు 15న విడుదల కాబోతున్న చిత్రంకు ఇబ్బంది లేకుండా రజినీకాంత్‌కు మరియు ఫ్యాన్స్‌కు కోమలి చిత్ర యూనిట్‌ సభ్యులు సారీ చెప్పారు.
