యాంగ్రీ మాన్ రాజశేఖర్ కొత్త చిత్రాన్ని ప్రారంభించారు. పవన్ సాధినేని డైరెక్షన్ లో రాజశేఖర్ ‘మాన్‌స్టర్‌’ పేరిట కొత్త మూవీని చేస్తున్నారు. సోమవారం ఈ చిత్రం పూజా కార్యక్రమాలతో ప్రారంభం అయ్యింది. ఈ మేరకు దర్శకుడు పోస్టర్‌ను కూడా రిలీజ్ చేశారు. విడుదల చేసిన పోస్టర్‌ లో ‘Monster’ అక్షరాలను హైలైట్ చేశారు.
సురక్ష్ ఎంటర్‌టైన్‌మెంట్ మీడియా పతాకం పై మల్కాపురం శివ కుమార్ ఈ సినిమాను నిర్మిస్తుండగా..జిబ్రాన్ సంగీతం అందిస్తున్నాడు. ఇందులో రాజశేఖర్ పోలీస్ ఆఫీసర్ గా కనిపించనున్నారు. త్వరలోనే ఈ సినిమా రెగ్యూలర్ షూటింగ్ ప్రారంభం కానుంది. ఈ చిత్రం రాజశేఖర్ కు 92వ సినిమా కావడం విశేషం.
