ప్రైడ్ అఫ్ ఇండియన్ సినిమా, డైరెక్టర్ ఎస్‌ఎస్ రాజమౌళి ఎంతో ఆసక్తిగా ఎదురుచూస్తున్న “బబుల్‌గమ్” ఫస్ట్ లుక్ ను ఈరోజు లాంచ్ చేశారు. ఈ సినిమాతో ప్రముఖ యాంకర్ సుమ, నటుడు రాజీవ్ కనకాల దంపతుల కుమారుడు రోషన్ కనకాల హీరోగా తెరంగేట్రం చేయనున్నారు. “క్షణం”, “కృష్ణ అండ్ హిజ్ లీల” చిత్రాలలో ఎక్సటార్డినరీ వర్క్ తో ఆకట్టుకున్న ప్రముఖ దర్శకుడు రవికాంత్ పేరెపు “బబుల్‌గమ్” కు దర్శకత్వం వహిస్తున్నాడు. పీపుల్ మీడియా ఫ్యాక్టరీతో కలిసి మహేశ్వరి మూవీస్ ఈ చిత్రాన్ని నిర్మిస్తోంది.
ఇకపోతే “బబుల్‌గమ్” సినిమా ఇద్దరు కొత్తవారిని వెండితెరకు పరిచయం చేస్తోంది. ఫస్ట్ లుక్ చాలా ఇంట్రెస్టింగ్‍గా, రొమాంటిక్‍గా ఉంది. రోషన్ కనకాల, మానస చౌదరి ఫస్ట్ లుక్‌లో తళుక్కున మెరుస్తూ, తమ చార్మ్ తో వీక్షకులని కట్టిపడేసారు. రోషన్ కనకాల అయితే గిరజాల జుట్టు, లేత గడ్డంతో పోస్టర్‌లో అందంగా కనిపిస్తున్నాడు. ట్రెండీ ఎటైర్ లో యంగ్ చాప్ నోటిలో బబుల్‌గమ్‌తో కనిపించారు. కాగా ఈ రొమాంటిక్ స్టొరీ గ్లింప్స్ అక్టోబర్ 10 న విడుదల కానుంది. ఈ చిత్రానికి ట్యాలెంటెడ్ కంపోజర్ శ్రీచరణ్ పాకాల సంగీతం అందిస్తున్నారు.
ఈ సందర్భంగా ‘నటుడిగా అరంగేట్రం చేసినందుకు రోషన్‌కు అభినందనలు. రోషన్ తనకంటూ ఓ ప్రత్యేక ముద్ర వేయాలి. రాజీవ్, సుమ గారు గర్వపడేలా చేయాలని కోరుకుంటున్నాను. అలాగే బబుల్‌గమ్ టీమ్‌కి శుభాకాంక్షలు! ‘ అని రాజమౌళి ట్వీట్‌ చేశారు.
Congratulations to you Roshan, on making your debut as an actor… Wishing you to make your own mark and make Rajeev and Suma garu proud. 🤗
Also, best wishes to the entire team of #Bubblegum! @RoshanKanakala @ravikanthperepu @Maanasa_chou pic.twitter.com/wvPjyNj4yU
— rajamouli ss (@ssrajamouli) October 6, 2023