రాజమౌళి దర్శకత్వంలో ఇప్పటి వరకు వచ్చిన ప్రతి సినిమా కూడా భారీ బ్లాక్‌ బస్టర్స్‌గా నిలిచిన విషయం తెల్సిందే. జక్కన్న దర్శకత్వంలో ఒక్క సినిమా అయినా చేయాలని చిన్నా పెద్ద హీరోలు ఎంతో మంది ఆశ పడుతూ ఉంటారు. అలాంటిది ఆయన దర్శకత్వంలో ఒక చిత్రం చేసిన తర్వాత కెరీర్‌లో మళ్లీ సక్సెస్‌ దక్కించుకునేందుకు చాలా ఏళ్లు కష్టపడాల్సి ఉంటుంది. ప్రభాస్‌కు గతంలోనే అనుభవం అయ్యింది. మళ్లీ ఇప్పుడు సాహో చిత్రంతో జక్కన్న సెంటిమెంట్‌ పవర్‌ తెలిసి వచ్చింది.
రాజమౌళి కెరీర్‌ ఆరంభం నుండి చూస్తే ఆయన చేసిన ప్రతి సినిమా సక్సెస్‌. ఆ సినిమాల్లో నటించిన హీరోల కెరీర్‌లో బ్లాక్‌ బస్టర్స్‌. కాని ఆ తర్వాత ఆ హీరోలు చేసిన ప్రతి సినిమా ఫ్లాప్‌. అంచనాలను ఏమాత్రం అందుకోలేక పోయిన హీరోలు చాలా మంది ఉన్నారు. ఎన్టీఆర్‌, రవితేజ, నితిన్‌, రామ్‌ చరణ్‌, ప్రభాస్‌ ఇలా ప్రతి హీరో కూడా జక్కన్నతో సినిమా చేసిన తర్వాత డిజాస్టర్స్‌ను చవిచూసిన వారే. ఇప్పుడు ఆ సెంటిమెంట్‌కు ప్రభాస్‌ విలవిలలాడిపోతున్నాడు.
