రాజమౌళి తెరకెక్కించిన ఏ సినిమా అయినా కూడా మంచి విజయాన్నే సాధించింది. అప్పట్లోనే రాజమౌళి దర్శధీరుడుగా తెలుగు సినీ పరిశ్రమలో మంచి గుర్తింపును సొంతం చేసుకున్నాడు. ఇక తాజా చిత్రం ‘బాహుబలి’తో జాతీయ వ్యాప్తంగా దర్శకుడిగా తన సత్తా చాటాడు. ఈ చిత్రంతో రాజమౌళి వెయ్యి కోట్ల చిత్రాన్ని తెరకెక్కించిన దర్శకుడిగా తనకంటూ ఒక ప్రత్యేక గుర్తింపును సొంతం చేసుకుని జాతీయ స్థాయి దర్శకుడు అయ్యాడు. దాంతో రాజమౌళి తదుపరి చిత్రాలు ఎంద భారీగా ఉంటాయో అని అందరికి ఆసక్తి నెలకొంది. అంతేకాకుండా ‘బాహుబలి’ తర్వాత రాజమౌళి అసలు తెలుగులో సినిమాలు చేస్తాడా..? అనే అనుమానాలు వ్యక్తం అయ్యాయి. రాజమౌళి తదుపరి చిత్రంపై రోజుకో వార్త మీడియాలో ప్రచారం అవుతుంది.
తాజాగా జక్కన్న తదుపరి చిత్రం యంగ్‌ టైగర్‌ ఎన్టీఆర్‌తో నటించనున్నట్టు ఫిల్మ్‌నగర్‌లో టాక్‌ వినిపిస్తోంది. ఈ ఇద్దరి కాంబినేషన్లో ఇప్పటికే ‘స్టూడెంట్‌ నెం.1’, ‘ సింహాద్రి’, ‘యమదొంగ’ చిత్రాలు వచ్చి సూపర్‌ హిట్‌లు అయ్యాయి. దాంతో ఈ కాంభో మరోసారి రిపీట్‌ కానుంది అని సమాచారం అందుతోంది. తన తదుపరి చిత్రాన్ని చాలా సింపుల్‌గా కానేచ్చేస్తా అని చెబుతున్న రాజమౌళి తాజాగా ఎన్టీఆర్‌కు ఫిక్స్‌ అయ్యాడనే తెలుస్తోంది. అయితే ఈ వార్తపై ఇంకా అధికారిక సమాచారం మాత్రం లేదు. ఎన్టీఆర్‌ కాకపోయిన ఇతర స్టార్‌ హీరోలతో అయినా రాజమౌళి చిత్రం ఉండొచ్చు అని సినీ విశ్లేషకులు అంచనా వేస్తున్నారు. రాజమౌళి ఒకే అనాలి కానీ స్టార్‌ హీరోలంతా కూడా తమ డేట్లతో ఈయన ముందు వాలుతారు అనడంలో ఏమాత్రం అతిశయోక్తి లేదు.
