రాజమౌళి తండ్రి విజయేంద్ర ప్రసాద్‌కు బాలీవుడ్‌లో మంచి పేరుంది. సల్మాన్‌ ఖాన్‌ నటించిన సూపర్‌ హిట్‌ చిత్రం భజరంగీ బాయిజాన్‌కు విజయేంద్ర ప్రసాద్‌ కథను అందించిన విషయం తెల్సిందే. అందుకే సల్మాన్‌ ఖాన్‌కు విజయేంద్ర ప్రసాద్‌ అంటే ప్రత్యేకమైన గౌరవం. ఆ గౌరవంతోనే విజయేంద్ర ప్రసాద్‌ రెడీ చేసిన మరో కథకు సల్మాన్‌ ఖాన్‌ ఓకే చెప్పాడు. ఆ కథను రాజమౌళి దర్శకత్వం వహించే అవకాశాలు కనిపిస్తున్నాయి. ఈ విషయమై త్వరలోనే ఒక స్పష్టత వచ్చే అవకాశాలున్నాయి. బాలీవుడ్‌ కండల వీరుడితో పాటు పలువురు బాలీవుడ్‌ స్టార్స్‌ జక్కన్న దర్శకత్వంలో నటించాలని కోరుకుంటున్నారు.