లాక్‌డౌన్‌ వల్ల అలియా భట్‌తో షూటింగ్ షెడ్యూల్‌ రద్దు అయ్యిందని చెప్పారు రాజమౌళి. దాదాపు రూ.350 కోట్ల బడ్జెట్‌తో అత్యంత ప్రతిష్ఠాత్మకంగా తెరకెక్కుతున్న చిత్రం ‘ఆర్‌ ఆర్‌ ఆర్‌’. రామ్‌ చరణ్‌ అల్లూరి సీతారామరాజుగా, ఎన్టీఆర్‌ కొమరం భీంగా నటిస్తున్నారు. రామ్‌చరణ్‌కు జోడీగా ఆలియా భట్‌ నటిస్తున్నారు. ప్రస్తుతం ఈ సినిమా షూటింగ్ దశలో వుంది.
అయితే ఈ సినిమా షూటింగ్‌లో అలియా పాల్గొనడం గురించి తాజాగా జక్కన్న మాట్లాడారు. ‘ఈ నెలలో అలియాతో షూటింగ్ జరగాల్సి ఉంది. కానీ లాక్‌డౌన్‌ వల్ల అది రద్దయింది. దీంతో డేట్స్‌, షెడ్యూల్స్‌ను మార్చాల్సి వచ్చింది. అలియాతో కలిసి పనిచేసేందుకు ఎదురుచూస్తున్నా’ అని చెప్పుకొచ్చారు.
