వరుస హిట్‌లతో దూసుకుపోతున్న నిర్మాత దిల్‌ రాజు సినిమాలంటూ ఫ్యామిలి మొత్తం చూసేవిగా ఉంటాయి అనే మార్క్‌ పడిరది. అందుకు తగ్గట్టే దిల్‌రాజు కూడా తన కథలను ఎంపిక చేసుకుంటూ ఉంటాడు. ఇటీవలె దిల్‌రాజ్‌ నిర్మించిన చిత్రానికి జాతీయ అవార్డును దక్కించుకున్నాడు. అంతేకాకుండా మరో చిత్రంతో భారీ కలెక్షన్లను రాబట్టాడు. దాంతో దిల్‌రాజు తదుపరి చిత్రంపై ఆసక్తి నెలకొంది. తాజాగా దిల్‌రాజు యువ హీరో రాజు తరుణ్‌కు ఒక కథను వినిపించాడని, రాజ్‌ తరుణ్‌ అందుకు వెంటనే ఒకే చెప్పినట్టు తెలుస్తోంది. సక్సెస్‌ కోసం ఆశగా ఎదురుచూస్తున్న రాజ్‌తరుణ్‌కు మంచి అవకాశం ఇచ్చి మళ్లీ నెలబెట్టడానికి సాయం చేస్తున్నాడు. ఎందరో హీరోలకు మంచి విజయాలను అందించిన దిల్‌రాజు రాజ్‌తరుణ్‌ను కూడా ఆదుకుంటాడా చూడాలి.