రాజ్‌ తరుణ్‌ సినిమా సినిమాకు క్రేజ్‌ను పెంచుకుంటూ పోతున్నాడు. జూనియర్‌ మాస్‌ మహారాజ్‌గా గుర్తింపు తెచ్చుకుంటున్న ఈ యువ హీరో తాజాగా ‘కిట్టు ఉన్నాడు జాగ్రత్త’ చిత్రంతో ప్రేక్షకుల ముందుకు వచ్చాడు. ఈ సినిమాకు పోటీగా మరో రెండు చిత్రాలు విడుదల అయ్యాయి. కాని మాస్‌ ఆడియన్స్‌ను ఆకట్టుకుంటూ ఈ చిత్రమే గత వారం విడుదల అయిన చిత్రాల్లో బెస్ట్‌ చిత్రంగా నిలిచింది. ఈ చిత్రంతో రాజ్‌ తరుణ్‌ మరోసారి సక్సెస్‌ను అందుకున్నాడు.
రాజ్‌ తరుణ్‌పై ఉన్న నమ్మకంతో నిర్మాత కాస్త ఎక్కువ బడ్జెట్‌నే ఈ సినిమాకు పెట్టాడు. విడుదల సమయంలో ఈ సినిమా బడ్జెట్‌ను రికవరీ చేయగలదా అనే అనుమానాలు వ్యక్తం అయ్యాయి. అయితే రాజ్‌తరణ్‌ తనకున్న క్రేజ్‌తో చిత్ర నిర్మాతను ఆదుకున్నాడు. సినిమా కమర్షియల్‌గా ఆకట్టుకునే విధంగా ఉండటంతో పాటు, రాజ్‌ తరుణ్‌ నటన మరియు మాస్‌ ఆడియన్స్‌ను ఆకట్టుకునేలా నటించి మెప్పించాడు. ఇక హీరోయిన్‌తో పాటు సినిమాలో కామెడీ కూడా బాగున్నాయి.
ఇక హంసా నందిని ఐటెం సాంగ్‌ కూడా ఈ సినిమాకు అదనపు ఆకర్షణా నిలిచింది. దాంతో కిట్టుగాడు నిర్మాత సేఫ్‌ జోన్‌లోకి వెళ్లాడు. కేవలం వారం రోజుల్లోనే ఈ సినిమా బడ్జెట్‌ను రికవరీ చేసింది. రాజ్‌ తరుణ్‌ను ఈ సినిమా సక్సెస్‌తో మినిమం గ్యారెంటీ హీరో అనవచ్చు.