రేసుగుర్రం అల్లు అర్జున్‌కి తీపి గురుతుల్ని మిగులుస్తోంది. స‌మ్మ‌ర్ హిట్‌గా సినీ పండితులు రేసుగురర్రానికి కితాబులు ఇచ్చేశారు. రూ.40 కోట్ల సాధ‌న దిశ‌గా రేసుగుర్రం దూసుకుపోతోంది. ఇప్పుడీ సినిమా బాలీవుడ్‌కీ వెళ్ల‌బోతోంద‌ని టాక్‌. కొంత‌మంది బాలీవుడ్ నిర్మాత‌లుఎప్ప‌టి నుంచో సురేంద‌ర్‌రెడ్డి తో ఓ సినిమా చేయాల‌ని ప్లాన్ చేస్తున్నారు. అయితే అది కుద‌ర‌డం లేదు. ఊస‌ర‌వెల్లి సినిమాని బాలీవుడ్‌లో రీమేక్ చేయాల‌న్న‌ది వారి ప్ర‌య‌త్నం. అయితే రేసుగుర్రం చూశాక.. అభిప్రాయం మార్చుకొన్నార‌ట. తీస్తే.. ఈ సినిమానే బాలీవుడ్‌లో తీద్దాం అని ప‌ట్టుప‌డుతున్నార‌ట. సురేంద‌ర్ రెడ్డి కూడా అందుకు రెడీగానే ఉన్నాడు. కొన్ని మార్పులు, చేర్పుల‌తో ఈ సినిమాని బాలీవుడ్‌కి తీసుకెళ్ల‌బోతున్నారు. మ‌రి బ‌న్నీ ప్లేసులో ఎవ‌రోస్తార‌న్న‌ది ఆస‌క్తిక‌రం.
