అల్లు అర్జున్ ప్రధాన పాత్రలో సుకుమార్ దర్శకత్వంలో రూపొందిన ‘పుష్ప 2: ద రూల్’ సినిమా సెన్సార్ ప్రక్రియ పూర్తయింది. సెన్సార్ బోర్డు ఈ చిత్రానికి యూ/ఏ సర్టిఫికేట్ జారీ చేసింది. తాజా సమాచారం ప్రకారం, ఈ సినిమా రన్ టైమ్ 3 గంటలు 20 నిమిషాలు అని తెలుస్తోంది, ఇది ప్రేక్షకులకు పూర్తి స్థాయి మాస్ యాక్షన్ ఎంటర్టైనర్‌ను అందించేలా కనిపిస్తోంది. డిసెంబర్ 5న ప్రపంచవ్యాప్తంగా 12000 థియేటర్లు లో ఆరు భాషల్లో ఈ సినిమా విడుదల కానుంది. దేవిశ్రీ ప్రసాద్ అందించిన సంగీతం ఇప్పటికే హిట్‌గా నిలిచింది, మిగతా పాటలు ఇంకా హైప్‌ను పెంచేలా ఉన్నాయి.
ఈవెంట్స్ వివరాలు:
నవంబర్ 29, శుక్రవారం:
ముంబైలో భారీ స్థాయిలో గ్రాండ్ ఈవెంట్. బాలీవుడ్ ప్రముఖులు, దేశవ్యాప్తంగా ఉన్న అతిథులు పాల్గొననున్న ఈ వేడుక సినిమాపై మరింత క్రేజ్‌ను తెస్తోంది.
నవంబర్ 30, శనివారం:
చిత్తూరులో ప్రీ రిలీజ్ ఈవెంట్. పుష్ప కథానాయకుడు పునాది అయిన చిత్తూరు ప్రాంతంలో జరిగే ఈ కార్యక్రమం అభిమానుల ఉత్సాహాన్ని పెంచేలా ఉంది.
