అల్లు అర్జున్ నటించిన పుష్ప మూవీ ఈరోజు వరల్డ్ వైడ్ గా భారీ ఎత్తున రిలీజ్ అయ్యింది. అయితే, ఆంధ్రప్రదేశ్‌లో ముందుగా ప్రకటించిన విధంగా కొన్నిచోట్ల బెనిఫిట్ షోలు వేయకపోవడంతో ఉద్రిక్తత వాతావరణ నెలకొంది. అనంతపురం జిల్లా హిందూపురంలోని బాలాజీ థియేటర్‌లో బెనిఫిట్ షో వేస్తామని చెప్పి యాజమాన్యం డబ్బులు వసూలు చేసిందని.. కానీ, చెప్పినట్టుగా బెనిఫిట్ షో వేయలేదంటూ అభిమానులు ఆందోళనకు దిగారు. ఈ నేపథ్యంలో అభిమానుల ఆగ్రహం కట్టలు తెచ్చుకొని థియేటర్‌పై రాళ్లు విసిరారు.ఈ విషయం తెలిసిన పోలీసులు రంగంలోకి దిగి అభిమానులను చెదరగొట్టి థియేటర్ గేట్లు మూసివేశారు. ఇక తెలంగాణ లో మాత్రం తెల్లవారు జామునుండే బెనిఫిట్ షోస్ మొదలుకావడంతో అభిమానులు సంబరాలు చేసుకున్నారు.
అల్లు అర్జున్ – రష్మిక మందన్న కాంబినేషన్‌లో తెరకెక్కిన లేటెస్ట్ సినిమా ‘పుష్ప: ది రైజ్ పార్ట్ 1’. సుకుమార్ దర్శకత్వం వహించాడు. మైత్రీ మూవీ మేకర్స్, ముత్తంశెట్టి మీడియా భారీ బడ్జెట్‌తో నిర్మించారు. దేవీశ్రీప్రసాద్ సంగీతం అందించిన ఈ సినిమాలో సమంత స్పెషల్ సాంగ్‌లో కనిపించింది.
