అల్లు అర్జున్ – రష్మిక జంటగా సుకుమార్ డైరెక్షన్లో పుష్ప మూవీ తెరకెక్కుతున్న సంగతి తెలిసిందే. ప్రస్తుతం షూటింగ్ దశలో ఉన్న ఈ చిత్రం తాలూకా రెండో సాంగ్ రేపు విడుదల కాబోతుంది. అక్టోబర్ 13 బుధవారం నాడు ఉదయం 11:07 నిమిషాలకు సెకండ్ సింగిల్ ‘శ్రీవల్లి’ ఫుల్ సాంగ్ రిలీజ్ కానుంది. ఈ సాంగ్‌ను తెలుగు, తమిళ్, మలయాళం, కన్నడ భాషల్లో సిద్ శ్రీరామ్ పాడగా, హిందీలో జావేద్ ఆలీ పాడారు. దీనికి రాక్ స్టార్ దేవీశ్రీప్రసాద్ సంగీత దర్శకుడు.
ఈ మూవీ పార్ట్ వన్ ఈ ఏడాది డిసెంబర్ 17న తెలుగుతో పాటు హిందీ, తమిళం, కన్నడ, మలయాళ బాషలలో రిలీజ్ కాబోతోంది. ఇప్పటికే ఈ మూవీ నుంచి వచ్చిన ప్రచార చిత్రాలు, ఫస్ట్ సింగిల్ ‘దాక్కో దాక్కో మేక’ సినిమాపై భారీగా అంచనాలు పెంచాయి. మైత్రీ మూవీ మేకర్స్, ముత్యం శెట్టి మీడియా కలిసి ఈ సినిమాను భారీ బడ్జెట్‌తో నిర్మిస్తున్నారు.